Noticias

Rubicundo de Teatro dos Ghazafelhos este domingo 8 de outubro no Auditorio municipal

Tras o encontro do alumnado de Cerceda, no mes de maio, coa escritora María Canosa chega a adaptación teatral de Rubicundo, de Teatro dos Ghazafelhos, ao Auditorio municipal este domingo 8 de outubro ás 18:00h. Non podes perdelo! Rubicundo cóntanos unha fermosa historia sobre a amizade, a constancia e a
poesía, abríndonos a posibilidade de perseguir os nosos soños sen sentir límites nin
distancias…
Rubicundo é unha obra de teatro actoral onde tres personaxes interactuan con
obxectos, monicreques, bailan e cantan en directo. Coa fermosa historia de María
Canosa de fondo, Ghazafelhos propón unha posta en escena chea de sorpresas
pasando pola música, os monicreques, acrobacia, claqué... Unha mestura de xéneros
que Ghazafelhos soe propor para sorprender a un público familiar e facer difícil de
esquecer esta máxica historia.
Público: Familiar (recom.+5 anos)
Duración: 60 min.
  • DOMINGO, 8 DE OUTUBRO -- ÁS 18:00H
  • AUDITORIO MUNICIPAL DE CERCEDA
  • Entrada de balde ata completar aforo.

Curso básico de lingua galega do SNL da Mancomunidade

O Servizo de Normalización Lingüística da Mancomunidade de Ordes vai levar a cabo a realización dun curso básico de lingua galega dirixido fundamentalmente a persoas  interesadas na adquisición das competencias básicas en lingua galega (poboación non galega, basicamente): Curso básico de lingua galega  Prazo de solicitude: ata o 11 de outubro Lugar: SNL da Mancomunidade de Ordes, de 08:00 a 15:00 horas (tel.: 981 680 002, ext.120) Datas de realización do curso: 17 outubro-7 decembro 2017 (martes e xoves, de 10:00 a 12:30 horas) Lugar de realización do curso: o concello que teña máis solicitudes

Voltan as Merendas e Contos á Biblioteca da Silva este venres 29 de setembro

Chega á Biblioteca municipal da Silva, dentro da programación do Ler Conta Moito da Rede de Bibliotecas de Galicia, o espectáculo CONTOS DE MARMALEIRO, ANÍS E LIMÓN de Marisa Irimia. Historias cheas de maxia e emocións. Contos doutros tempos e outras falas, contos que vos farán gozar e que vos iniciarán no camiño dos relatos e as historias.
Público: Nenos de 4 a 10 anos. BIBLIOTECA MUNICIPAL DA SILVA -
  • VENRES, 29 DE SETEMBRO
  • ÁS 17:15H
Inscricións das Oficinas xerais do Concello ou no teléfono: 981685001, a partir do luns 25 de setembro.

Último día para inscribirse ao Camiño Santiago - Fisterra

As persoas interesadas en facer o Camiño francés de Santiago a Fisterra no mes de outubro, teñen ata hoxe, xoves 14 de setembro, para poderse inscribir. Máis información no teléfono 981685001

Aquapark Cerceda

Xardín Botánico

Situado nunha parcela de 200.000 metros cadrados onde están situados o centro de desenvolvemento tecnolóxico, a aula da natureza e o viveiro, encádrase a nova lagoa de 1.500 metros de lámina de auga na que conviven, cisnes brancos e negros, cisnes negro de colo branco, cerceta bicolora, parrulos mandarines e carolines ademais de parrulos culleres.

Para a instalación das lagoas houbo que impermeabilizar os vasos e crear a circulación da auga a unha velocidade moderada. Ademais complementouse con varias pasarelas de madeira e de distinta funcionalidade: por unha parte, permitir o percorrido do público pola parte acuática e achegarse tamén ata a braña, sempre en total respecto co medio natural, e por outra, unha zona algo máis contemplativa.

En canto ao xardín botánico dicir que hai coníferas, algunha especie exótica, árbores, arbustos, frondosas...

Tanto o xardín Botánico coma a lagoa permanecerán abertas ao público de 10:30 da mañá a 18:00 da tarde de forma ininterrompida, sobre todo nos meses de verán.

Instalación fotovoltaica na Piscina Climatizada do Concello de Cerceda

Na Piscina Climatizada de Cerceda acometeuse unha instalación fotovoltaica de autoconsumo, financiada pola Instituto Enerxético de Galicia (INEGA) ao abeiro da Resolución do 2 de maio de 2019, pola que se regulan as bases que rexerán o procedemento de concesión de axudas a proxectos de enerxía fotovoltaica, cofinanciados polo Fondo Europeo de Desenvolvemento Rexional no marco operativo Feder Galicia 2014-2020 e se procede a súa convocatoria en réxime de concorrencia  competitiva para o ano 2019 (DOG núm. 93 do 16/05/2019).

Calificacións finais da bolsa de emprego de operario/a do servizo de medio ambiente en réxime laboral temporal do Concello de Cerceda

Publícase a acta final do tribunal calificador, con data 18 de setembro de 2019, do proceso selectivo para a creación dunha bolsa de emprego de operaria/o do servizo de medio ambiente en réxime laboral temporal. Attachments:
acta final bolsa medio ambiente setembro 2019.pdf

Publicación do Bando de exposición pública dos padróns fiscais 2019

A través do Bando da Alcaldía-Presidencia, de 17 de setembro, ábrase o período de exposición pública dos seguintes padróns fiscais do exercizo 2019: * Imposto sobre Bens Inmobles Urbanos * Imposto sobre Bens Inmobles Rústicos * Imposto sobre Bens Inmobles de Características Especiais * Imposto sobre Actividade Económica O prazo de exposición pública: dende o día 18 de setembro de 2019 ao 02 de outubro de 2019 Attachments:
BANDO.pdf

Campamentos deportivos Deputación 2019: Resultado do Sorteo público

Acta do Sorteo Público das prazas concedidas ao Concello de Cerceda no Programa de CAMPAMENTOS DEPORTIVOS 2019 DA DEPUTACIÓN DA CORUÑA. O 05 de xuño de 2019 ás 11h30, no Salón de Plenos do Concello de Cerceda, ten lugar o Sorteo Público das prazas do programa CAMPAMENTOS DEPORTIVOS 2019 organizado pola Deputación da Coruña. Dá fe do acto o Secretario Xeral do Concello.
  1. O número de prazas asignadas pola Deputación da Coruña é de 3
  2. Preséntanse, en prazo, 6 solicitudes no Rexistro Xeral do Concello de Cerceda
  3. A cada persoa participante asígnaselle un número co que participará no sorteo público, de acordo co número de entrada da solicitude no Rexistro xeral:
1 2019/1158 CABEZA MARTÍNEZ, LYDIA
2 2019/1159 PARDO LÓPEZ, SAÚL
3 2019/1174 MOSQUERA SÁNCHEZ, NAGORE
4 2019/1178 LISTA MOSQUERA, PAULA
5 2019/1191 CASTRO GAREA, NURIA
6 2019/1318 VARELA PREGO, KEVIN
Realizado o sorteo, resulta a seguinte relación de persoas seleccionadas e a listaxe de reserva:
RESULTADOS DO SORTEO DAS PRAZAS PARA CAMPAMENTOS DEPORTIVOS 2019 DA DEPUTACIÓN DA CORUÑA CONCELLO DE CERCEDA
Nº SELECCIONADO APELIDOS E NOME
6 VARELA PREGO, KEVIN
4 LISTA MOSQUERA, PAULA
3 MOSQUERA SÁNCHEZ, NAGORE
LISTAXE DE RESERVA
2 PARDO LÓPEZ, SAÚL
5 CASTRO GAREA, NURIA
1 CABEZA MARTÍNEZ, LYDIA
Cerceda, 05 de xuño de 2019 O Secretario Xeral, Raúl Martínez Martínez Attachments:
Acta Sorteo Campamentos Deputacion 2019_veran.pdf

Subcategorías

¡Atención! Este sitio usa cookies e tecnoloxías similares. Pode cambiar a configuración do seu navegador para rechazar o emprego das mesmas. Pode consultar máis información en Información de cookies.

Acepto as cookies para este sitio.
EU Cookie Directive plugin by www.channeldigital.co.uk