Concello

Convocatoria das Subvencións a deportistas e a entidades culturais ou deportivas para a realización de actividades no ano 2018

O Concello de Cerceda vén de publicar no Boletín Oficial da Provincia as bases da Convocatoria 2018 das Subvencións a deportistas e a entidades culturais/deportivas para a realización de actividades neste exercizo. O prazo de solicitude permanecerá aberto dende o 06 ao 20 de novembro (ambos incluídos) e a documentación estará dispoñible nas oficinas xerais do concello e na páxina web municipal. As subvencións que son obxecto desta convocatoria en materia de actividades socioculturais e deportivas e as bolsas para deportistas efectuaranse con cargo ás partidas orzamentarias que a continuación se especifican, e co límite da súa consignación orzamentaria:
Obxecto Aplicación orzamentaria Límite orzamentario
Actividades culturais    
Actividades deportivas    
Serán obxecto de subvención as actividades ou investimentos que se leven a cabo dentro do ámbito municipal que teñan por fins os seguintes: -         Dinamizar a xuventude do Concello. -         Promocionar a cultura e o benestar social do Concello. -         Promocionar o deporte, o exercicio físico, o coidado da saúde etc. -         Apoiar as carreiras dos e das deportistas de Cerceda. En xeral, non serán obxecto de subvención as actividades que se desenvolvan fóra do termo municipal, agás aquelas que sexan consecuencia de intercambios deportivos ou culturais ou a participación en campionatos. Así mesmo, no caso dos/as deportistas deberán acreditar documentalmente a participación efectiva nas competicións/xornadas/campus deportivos nos que se queiran xustificar gastos de desprazamento, aloxamento e/ou manutención mediante os correspondentes xustificantes de asistencia ou participación. Non se subvencionarán os gastos, como comida ou bebidas, destinados a organización dos campionatos ou actividades para as que se solicita a subvención. Os gastos susceptibles de subvención serán os que se realicen no período comprendido entre o 1 de xaneiro ao 17 de decembro de 2018. Entidades ou persoas beneficiarias.- Poderán ser beneficiarias as entidades públicas ou privadas que estean na situación que fundamenta a concesión da subvención, que cumpran o disposto no artigo 13 da Lei 38/2003 e que reúnan os seguintes requisitos:
  1. Estar debidamente inscritas no rexistro municipal de asociacións e entidades do Concello de Cerceda ou telo solicitado na data da petición.
  2. Estar ao corrente da xustificación das subvencións concedidas no exercicio anterior ou ter solicitada unha prórroga debidamente xustificada e aprobada.
  3. Non ter contraída ningunha débeda co Concello de Cerceda por ningún concepto, nin con calquera outra administración
  4. Poderán participar nesta convocatoria as e os deportistas de Cerceda non profesionais que destaquen por resultados en competicións oficiais e que estean en posesión da correspondente licenza federativa, e, empadroados/as no Concello de Cerceda cunha antigüidade de, polo menos, dous anos consecutivos, ao momento da solicitude
2. Non poderán acceder á concesión das subvencións municipais reguladas na presente convocatoria as seguintes entidades:
  1. As entidades que por resolución firme fosen sancionadas por incumpriren as condicións previstas na autorización precisa para desenvolveren a actividade.
  2. As entidades que se beneficien dunha subvención nominativa no orzamento do exercicio 2018 para esta mesma finalidade.
  3. As entidades que perdesen o dereito a obter as subvencións como consecuencia do procedemento sancionador correspondente, e polo prazo establecido na resolución.
  4. As entidades que, en virtude da normativa vixente, teñan limitado ou suprimido este dereito, e, especificamente, os recollidos no artigo 13 da Lei 38/2003.
DOCUMENTACIÓN SOLICITUDE: Dispoñible nas Oficinas Xerais do Concello e na páxina web municipal. Documentación solicitude das Entidades culturais ou deportivas:
  1. A solicitude segundo o modelo, que se facilitará nas oficinas municipais, na páxina web municipal ou na Sede Electrónica Municipal. (ANEXO 1)
  2. Unha memoria explicativa da actividade ou investimento que se pretende realizar. O período para o desenvolvemento destas actividades/investimento abarcará dende o 1 de xaneiro ao 17 de decembro do ano en curso. (ANEXO 2)
  3. O orzamento de ingresos e de gastos, coa expresión da súa forma de financiamento (ANEXO 3)
  4. Declaración de outras subvencións solicitadas e/ou concedidas por outros organismos públicos ou privados para o mesmo fin (ANEXO 4)
  5. Declaración responsable de estar ao corrente no cumprimento das súas obrigas tributarias coa Axencia Estatal da Administración tributaria e coa administración autonómica, e coa Seguridade Social (ANEXO 5)
  6. Declaración responsable de que a entidade non está incursa en ningunha das prohibicións sinalas nos números 2 e 3 do artigo 13 da Lei Xeral de Subvencións (ANEXO 6)
  7. Declaración responsable de que a entidade non ten pendente ningún pagamento de reintegro de subvencións, públicas e privadas, tal e como esixe o artigo 25 do Regulamento da Lei Xeral de Subvencións (ANEXO 7)
  8. Certificado do acordo de solicitude da subvención e nomeamento do representante (ANEXO 8)
  9. Declaración dos/as membros das Xuntas directivas das entidades e autorización para a difusión de datos e da imaxe. (ANEXOS 9 e 10)
Documentación solicitude dos/as Deportistas non profesionais:
  1. Solicitude da subvención segundo o modelo normalizado (ANEXO 1)
  2. Certificado da federación deportiva correspondente no que constarán as participacións e os resultados máis salientables obtidos nas diferentes competicións coa especificación de datas, lugar e nivel e categoría de competición do/a deportista durante a tempada 2018. Ou presentación do Historial 2017 do/a deportista segundo o modelo (ANEXO 11) asinado pola correspondente federación deportiva.
  3. Proxecto deportivo a desenvolver durante o ano 2018, no que se incluirá: (ANEXO 12)- Detalle das competicións as que pretende asistir durante o ano 2018, coa expresión da súa denominación, data, lugar e número total de competicións.- Nivel da competición (provincial, autonómica, nacional)- Categoría da competición
  4. Orzamento de gastos e ingresos estimados da tempada (ANEXO 13)
  5. Copia da licenza federativa para a tempada 2018
  6. Declaración responsable de estar ao corrente no cumprimento das súas obrigas tributarias coa Axencia Estatal da Administración tributaria e coa administración autonómica, e coa Seguridade Social (ANEXO 15)
  7. Declaración responsable de estar ao corrente no cumprimento das súas obrigas tributarias coa Axencia Estatal da Administración tributaria e coa administración autonómica, e coa Seguridade Social (ANEXO 15)
  8. Declaración responsable de que a persoa solicitante non está incursa en ningunha das prohibicións para obter a condición de beneficiario/a de subvencións públicas recollidas no artigo 13 da Lei 38/2003, de 17 de novembro, Xeral de Subvencións (ANEXO 16)
  9. Declaración responsable de que a persoa solicitante está ao corrente no cumprimento de obrigas por reintegro de subvencións (artigo 25 do Regulamento que desenvolve a Lei 38/2003, Xeral de Subvencións. (ANEXO 17)
  10. Autorización para a difusión de datos e de imaxe (ANEXO 18)
Presentación de solicitudes, prazo e documentación: As entidades culturais ou deportivas, e, os/as deportistas non profesionais deberán solicitar a subvención no prazo de 15 días naturais, que contarán a partir do día seguinte ao de se publicar esta convocatoria no Boletín Oficial da Provincia, ben por presentación telemática na Sede electrónica municipal do Concello de Cerceda (https://sede.cerceda.es) ou presencial no Rexistro xeral do Concello de Cerceda e demais formas establecidas no artigo 16.4 da Lei 39/2015 de Réxime Xurídico das Administracións Públicas e do Procedemento administrativo común. Attachments:
0_2018_Bases convocatoria.pdf
1Formulario Solicitude 2018_Entidades.pdf
2Formulario Solicitude_Deportistas.pdf

Taller Participativo sobre Infraestrutura Verde, este xoves 3 de maio

Neste obradoiro vaise estudar o desenvolvemento da accións de futuro en conservación e promoción das áreas de interese ambiental, ocio de natureza e xestión dos recursos propios. Polo lo que e de interese que participen os diferentes colectivos que forman o concello. Esta xornada está aberta a toda a poboación.
  • Xoves 3 de maio, ás 18:30 horas no primeiro andar da Biblioteca Municipal de Cerceda

Acto de lectura pública da obra de Rosalía de Castro, martes 27 de febreiro no Campo da Feira de Cerceda

O Concello de Cerceda organiza para este martes, 27 de febreiro, a partir das 11h o Acto de lectura pública da obra de Rosalía de Castro no Campo da Feira de Cerceda. Invitamos a toda a poboación a participar nesta homenaxe a nosa escritora.   Attachments:
Invitacion Acto Rosalia.pdf

Resultado do Sorteo público Campaña de Esquí 2018 Deputación da Coruña

Publícase a acta do Sorteo público das prazas asignadas ao Concello de Cerceda (4, en total) na Campaña de Inverno 2018 organizada pola Deputación da Coruña.
Accede dende aquí a Acta do Sorteo Campaña de Inverno 2018_Deputación da Coruña     Attachments:
Acta Sorteo Público_CampañaInverno 2018_Deputacion.pdf

A Cabalgata 2018 das SS.MM. de Oriente chega a Cerceda este venres 5 de xaneiro

O Concello de Cerceda xa ten todo preparado para recibir as SS.MM os Reis Magos de Oriente este venres, 5 de xaneiro. Está previsto o comezo do percorrido, a partir das 17h, dende a Casa do Concello. O acto de recepción as súas Maxestades será no Auditorio municipal, onde non faltarán os agasallos, o chocolate e o tradicional Roscón. Prepara a túa carta cos teus desexos !!

Últimos días para xustificar as subvencións concedidas na Convocatoria pública de Subvencións a deportistas e ás entidades culturais e deportivas 2017

Os/as deportistas e ás entidades culturais/deportivas beneficiarias das Subvencións municipais 2017 teñen ata o venres, 15 de decembro de 2017, para a xustificar as contías concedidas. Podes acceder dende esta nova a toda a documentación necesaria para facer a xustificación ou para solicitar a prórroga do prazo de xustificación que se deberá achegar, en todo caso, ata o 15 de decembro nas Oficinas Xerais do Concello de Cerceda. Por Decreto da Alcaldía – Presidencia 716/2017, de 16 de novembro de 2017, apróbase a resolución da Convocatoria pública de subvencións municipais a deportistas e ás entidades culturais e deportivas para a realización de actividades no ano 2017 (BOP núm. 180, de 21 de setembro de 2017). Podes acceder dende esta nova á resolución 2017.   Attachments:
0Resolucion 2017 Convocatoria subvencion municipais deporti….pdf
1 Document. Xustificacion Entidades_2017.pdf
2 Documentacion Xustif. Deportistas.pdf
3Solicitude prorroga prazo xustif.2017.pdf

A sinatura dos convenios das Subvencións municipais a deportistas e ás entidades culturais e deportivas será o luns 20 de novembro ás 19:30h

O próximo luns, 20 de novembro ás 19:30h no Salón de Plenos, será a sinatura dos convenios da convocatoria das Subvencións municipais a deportistas e ás entidades culturais e deportivas. O Concello de Cerceda destina un total de 42.750 euros a colaborar nas actividades desenvoltas polas entidades culturais e deportivas, e, a apoiar as carreiras dos/as deportistas cercedenses destacados/as. Á sinatura de convenios do luns 20 de novembro, ás 19:30h, están convocadas as seguintes entidades e deportistas locais:
DEPORTISTAS LOCAIS
ENMA NÚÑEZ GARCÍA
BORJA BARBEITO GÓMEZ
DAVID RIVAS FUENTES
SERGIO POMBO DE LA IGLESIA
ENTIDADE CULTURAIS
ANPA CEIP CELSO EMILIO FERREIRO (A SILVA)
ANPA CPI O CRUCE
AA.VV A BAIXA DE CERCEDA
 A.MULLERES DE CERCEDA
 A.MULLERES RURAIS "A XUNGUEIRA"
 A. CULTURAL LUCERNA
 A.C. FOLQUE-RUADA
ASOCIACIÓN DE MULLERES RURAIS XESTEDA
 AS. FOLCLÓRICO CULTURAL DE CERCEDA
 
ENTIDADES DEPORTIVAS
ATLÉTICA A SILVA
CCD QUEIXAS
CLUB NATACION CERCEDA
SOCIEDAD DEPORTIVA S.MARTIÑO
CF ENCROBAS
SOCIEDADE DE CAZA E PESCA CERCEDA
CLUB MOTOPARK CERCEDA
CLUB CAMM TAE-BOX
EQUIPO LOZANO COMPETICIÓN
CABEZAS RACING
 S.D. CAZADORES SAN MARTIN DE RODÍS
 A. DEPORTIVA PEÑA MEIRAMA
PEÑA RODÍS S.D.
 S.D. SANTA COLUMBA XESTEDA
 
   

Subvención de caldeira de biomasa para a Biblioteca de Cerceda

O Concello de Cerceda a tráves dunha subvención  recibida para equipamentos térmicos de biomasa do Instituto Enerxético de Galicia acaba de executar o proxecto de instalación dunha caldeira de pellets na Biblioteca Municipal de Cerceda.  Con este proxecto contase de acadar un importante aforro enerxético na instalación.
FacebookTwitterDeliciousGoogle BookmarksRedditLinkedinRSS Feed Pin It

¡Atención! Este sitio usa cookies e tecnoloxías similares. Pode cambiar a configuración do seu navegador para rechazar o emprego das mesmas. Pode consultar máis información en Información de cookies.

Acepto as cookies para este sitio.
EU Cookie Directive plugin by www.channeldigital.co.uk