Actualidad

Xabier Díaz & As Abufeiras de Salitre, sábado 21 de setembro no Campo da Feira de Cerceda

Chega a Cerceda Xabier Díaz & As Abufeiras de Salitre este sábado, 21 de setembro ás 20h no Campo da feira, co seu espectáculo musical NORÓ. Coa colaboración da Rede Cultural da Deputación 2019 Dos primeiros sopros de Xabier nunha gaita de fol nos albores dos 80 ata Coplas Para Icía (2007) pasaron case 30 anos. A súa curiosidade facilitou a chegada de experiencias que se sucederon tendo sempre a música pop(ular) no horizonte: Xacarandaina, Rumbadeira, os primeiros traballos de campo, unha incesante actividade docente, asociacións, concursos, certames, etc. Logo chegou a Nova Galega de Danza coa que participou nos espectáculos Alento, Engado e Tradicción entre os anos 2005 e 2009.
Berrogüetto chamou á porta de Xabier a inicios de 2008 e a viaxe durou até 2014, ano no que se anunciaba a disolución da banda. Durante este tempo editaron os discos Kosmogonías (2010) e O pulso da terra (2011). Alén diso, obtiveron o Premio de la Academia de la Música á mellor canción en galego (2011) e o de mellor grupo de música folk na primeira edición dos Premios Galegos da Música Martín Códax (2013), así como o galardón á mellor banda sonora nos Premios Mestre Mateo (2014) coa película Inevitable. Grandes parceiros e amigos seus foron Guadi Galego, Guillermo Fernández e Xosé Lois Romero, cos que participou no proxecto aCadaCanto e cos que editou aCadaCanto (2012) e A Rosa D`Adina (2014). Ao longo dos anos, realizou un feixe de colaboracións en discos e concertos de diferentes artistas: Carmen París, Xosé Manuel Budiño, Kepa Junquera, Guadi Galego e Os Cempés, entre outros/as. Así mesmo, emprendeu numerosas viaxes para levar a música a México, Cimbabue, Alemaña, Uruguai, Italia, Perú, Dinamarca, Francia, Suíza, Arxentina, Noruega, Bélxica, Cuba, Escocia, Irlanda, etc. No ano 2015 editou The tambourine man xunto ás Adufeiras de Salitre, galardoado como o mellor disco galego nos Premios de la Música Independiente (2016) e o mellor álbum na categoría de música tradicional dos Premios Martín Códax da Música Galega (2016). Con el tamén obtivo o premio á mellor canción en galego da primeira edición dos premios aRitmar. Alén diso, The tambourine man, permitiulle manterse no top ten da World Music Charts Europe nos meses de febreiro e marzo de 2016. Dende a presentación de The Tambourine Man e con máis de 70 concertos ás costas en a penas dous anos, visitou Alxer, Oslo, Lorient, Le Chatre, Glasgow, Lisboa, Madrid ou Bruxelas. Agora chega Noró (Algunhas músicas do norte) Músicas de Salitre 2018 ©, un novo traballo compartido coas Adufeiras de Salitre que pon acento nas músicas que habitan o noroeste peninsular.

A comedia teatral Estás aí? de Redrum no Auditorio municipal, este domingo 22 de setembro

Iniciamos temporada teatral co espectáculo ESTÁS AÍ? de Redrum Producións. Anotade a cita, este domingo 22 de setembro, ás 19h no Auditorio municipal de Cerceda.

ESTÁS AÍ?

Redrum Producións

Auditorio Municipal de Cerceda.

Domingo, 22 de setembro. Ás 19h

​ Unha parella acaba de mudarse coa idea de comezar a vivir xuntos. O apartamento é pequeno e incómodo, reina o caos, as caixas de mudanza abarrotan o lugar, hai problemas coa calefacción e cos  veciños do andar de abaixo. Pero isto é nada comparado co que atopan no que eles supoñen o seu novo fogar: a vivenda conta coa  presenza dun home invisible. Aínda por riba, este, algo intratable polo seu carácter, non acepta de moi boa maneira a chegada da nova parella.

" PROGRAMA CUIDADANAS"

Talleres para persoas que son ou foron coidadoras de persoas dependentes. Desde o departamento de Benestar Social do Concello de Cerceda, en colaboración con Fundación Mujeres, no Marco do Programa Cuidadanas, organizase unha serie de talleres co fin de mellorar a calidade de vida das persoas coidadoras. Mediante as actividades grupais nas que participan, refórzanse as relación sociais a través da interacción con mulleres que están ou estiveron na mesma situación. A formación en materia de autocoidado, xestión emocional, habilidades de comunicación, autoestima, pretende que as mulleres poidan exercer os labores de coidado dunha maneira máis saudable, mellorar a súa calidade de vida e que se minimicen os riscos de saúde que corren na actualidade, asociados a malas prácticas e hábitos prexudiciais en relación ás tarefas que desenvolven como coidadoras. Desta forma fomentamos o seu empoderamento persoal durante toda a intervención. A charla – difusión destes talleres, realizarase o martes 17 de setembro, ás 17.00hs, na biblioteca municipal de Cerceda. A formación comezaría o martes 1 de outubro as 10:30h na Biblioteca Municipal. As prazas son limitadas.
En calquera caso, para apuntarse só hai que chamar ao teléfono de Servizos Sociais, 981 68 60 68. A data límite para as inscricións é o 25 de setembro.

VIAXE A PADRÓN, DOMINGO 20 DE OUTUBRO DE 2019

O Departamento de Benestar Social, organiza para o domingo día 20 de outubro, unha viaxe a Padrón. A mañá discorrerá pola vila de Padrón, e despois do xantar, á tarde desfrutarase cun baile de sobremesa.Sairemos de volta para Cerceda, ás 19.00hs. O prazo para anotarse empeza o venres 20 de setembro. Para reservar praza poden acudir ao 3ª andar do edificio municipal, no Departamento de Benestar Social. Ou ben chamando ao 981 68 60 68. O custe por persoa é de 22 €.

ACCIÓN FORMATIVA: ENREDANDO

“ ENREDANDO” Dende a Mancomunidade de municipios de Ordes, en coordinación co Departamento de Benestar Social do Concello de Cerceda, levarase a cabo a acción formativa “ ENREDANDO”. ¿ Que é ? É unha acción formativa que estará estruturada nun formato de curso de varios módulos sobre aspectos sociais e laborais. Os módulos que versan sobre o social e laboral serán os seguintes: -O que nos rodea: habilidades sociais, afectividade, auto coñecemento -O mundo dixital: uso de internet, cultura dixital, certificados dixitais - As habilidades: habilidades prelaborais, entrevistas de traballo, presentación, interacción en grupo - As ferramentas dixitais: aplicacións para a procura de traballo.   ¿ Onde se realizaría? A localización será unha aula de informática do centro cívico de Cerceda. ¿ Cal sería a duración e o horario de realización? O curso realizaríase en setembro, dende o xoves 12 ao venres 27. Cunha carga lectiva de 3 horas diarias de formación. O horario sería de 17:00 a 20:00 hs. ¿ Onde anotarse? Poden anotarse no departamento de benestar social do Concello de Cerceda no telf. 981 68 60 68 ou ben na Mancomunidade de Ordes no telf. 981 68 21 08. Attachments:
Cartel ENREDANDO.jpg

SERVIZO " BOS DÍAS COLE" CURSO 2019 - 2020

O servizo Bos Días Cole, empezará a funcionar no CPI “ O Cruce”, desde o día 11 de setembro desde ás 8.00 de mañá, para os menores que o solicitaron . Infórmase que no caso de precisar dito servizo ao longo do curso escolar, teñen que achegarse ao edificio do Concello e solicitalo por rexistro. Para máis información, poden chamar ao 981 68 60 68, ou ben acudir ao Departamento de Benestar Social, sito no 3º andar do edificio municipal.

Programa de mobilidade transnacional xuvenil Galeuropa 2019

Cine ao aire libre no Campo da Feira de Cerceda, este xoves 22 de agosto: Os Increíbles 2

O Campo da Feira de Cerceda acolle este xoves, 22 de agosto ás 22h30, unha nova sesión de cine coa proxección de "Los Increíbles 2" dentro do programa Visións da Rede Cultural da Deputación 2019. Non esquezades a cita!  

Publicación das listaxes coas solicitudes completas e pendentes de emendar documentación para as axudas de material escolar. Curso 2019-2020

Rematado o prazo de presentación de solicitudes para as axudas dirixidas ás familias para libros de texto, material escolar e vestiario para o curso 2019/2020, e unha vez comprobada a documentación que acompaña cada unha delas, o Departamento de Servizos Sociais elaborou o informe proposta da resolución provisional das solicitudes completas e as pendentes de emendar documentación. Informar ás persoas interesadas que de acordo co artigo 9.1 das bases da convocatoria disporán dun prazo de 10 días hábiles para presentar alegacións e/ou emendar a documentación requirida. No caso en que as persoas interesadas non presenten, no Rexistro Xeral do Concello a documentación para subsanar no prazo establecido, quedarán denegadas.   Máis información no Departamento de Servizos Sociais ou no teléfono 981 686 068 Attachments:
LISTAXE DE SOLICITUDES COMPLETAS-INCOMPLETAS CURSO 2019-2020.pdf

CAMPAÑA DE RECOLLIDA DE MATERIAL ESCOLAR

Dende o Departamento de Servizos Sociais do Concello de Cerceda, colaborarase coa Fundación Amigos de Galicia, na recollida de material escolar. O prazo para a poboación que queira colaborar coa donación de material escolar, remata o día 23 de agosto. O lugar de recollida é no terceiro andar do edificio municipal, no departamento de Servizos Sociais. O material que mais se precisa son: gomas, tesoiras, carpetas, libretas, mochilas... Para mais información poden chamar ao telf. 981 68 60 68   .

Subcategorías

¡Atención! Este sitio usa cookies e tecnoloxías similares. Pode cambiar a configuración do seu navegador para rechazar o emprego das mesmas. Pode consultar máis información en Información de cookies.

Acepto as cookies para este sitio.
EU Cookie Directive plugin by www.channeldigital.co.uk