>>> Visor de faixas de protección contra incendios forestais

INFORMACIÓN XEOGRÁFICA DE GALICIA
XUNTA DE GALICIA

Dende o 15 ao 30 de abril de 2024 está aberto o prazo de solicitude de praza nova na escola infantil "Os Pillabáns" para o curso 2024/2025.

A documentación precisa que se debe de adxuntar xunto co modelo de solicitude é a que se acompaña no anexo. Esta documentación debe ser presentada na Sede Electrónica do concello, no Rexistro Xeral ou en Servizos Socias do concello, en horario de 9.00horas a 14.00horas.

Máis información no Departamento de Servizos Sociais ou no teléfono 981 68 60 68

Attachments:

File	File size
DOCUMENTACION NOVA PRAZA.pdf	87 kB
SOLICITUDE NOVA PRAZA ESCOLA INFANTIL MUNICIPAL.pdf	263 kB

Segundo o Real Decreto 637/2021, do 27 de xullo, cómpre rexistrar as explotacións avícolas existentes en todos os concellos de Galicia.

Con respecto a esta normativa, informámosvos:
• Esta obriga esténdese tamén ás explotacións (galiñeiros) dedicadas ao autoconsumo.

• Ademais de non comercializar coa carne ou os ovos, o número de aves das explotacións de autoconsumo non debe ser superior a trinta.

• O incumprimento desta medida pode dar lugar a sancións. É preciso presentar o código que recibirán ao presentar o trámite para mercar polos para repoñer no curral.

• No caso das explotacións que comercialicen os ovos ou a carne, ademais de cubrir o impreso específico, recoméndase contactar coa Xefatura Territorial de Medio Rural da Coruña.

O impreso da Xunta de Galicia a cubrir é o MR501A
https://acortar.link/7ZO0ai

O Concello de Cerceda presentou esta mañá a terceira edición da proba deportiva Poseidon Race organizada polo club local OCR Cerceda, en colaboración co Concello. Esta proba deportiva consiste nunha carreira de obstáculos que terá lugar o 25 de maio no Aquapark cercedense e as súas inmediacións.

A proba deuse a coñecer hoxe, ás 13:45 horas, no salón de plenos da Casa do Concello e no acto interviñeron o alcalde de Cerceda, Juan Manuel Rodríguez; o concelleiro de Deportes, Óscar Golán; e o presidente do OCR Cerceda, Álvaro Sánchez.

A carreira contará coas categorías Elite, Starter e Popular. A primeira terá un percorrido de 10 quilómetros e 60 obstáculos, mentres que as restantes, a diferencia da edición do ano pasado, terano de 8 quilómetros. Iso si, terán que superar o mesmo número de obstáculos, nos que se porá a proba a forza, o equilibrio ou a puntería dos e das participantes.

A primeira categoría que tomará a saída será a Elite e producirase ás 15:00 horas. A continuación, ás 16:20 horas, arrancarán os ‘starters’ e as categorías populares sairán cada 20 minutos dende as 16:40 ata as 18:00 horas.

Esta proba forma parte da Liga OCRA Galicia 2024, Liga AOCO, Liga North Finals e será clasificatoria para o mundial de California OCRW.

ÉXITO DE PARTICIPACIÓN

Esta III edición da Poseidon Race apunta a que será un éxito rotundo de participación, tanto a nivel cuantitativo como cualitativo. A máis de dous meses da proba, o número de anotados roza os 660, a menos de 50 inscritos do récord establecido o ano pasado, cando participaron 700 persoas. Para formar parte da proba, as persoas interesadas deberán apuntarse a través da páxina www.ccnorte.com

En Cerceda daranse cita os mellores atletas nacionais e internacionais deste tipo de carreiras con deportistas de elite chegados dende países como Portugal, Dinamarca, Bélxica, Sudáfrica ou Alemaña.

O alcalde de Cerceda, Juan Manuel Rodríguez, subliñou “a aposta decidida deste goberno pola colaboración con este tipo de eventos, que fomentan o deporte e que lle dan visibilidade a recursos que son de moito interese para nós”.

“Co noso apoio imos tratar de darlle un novo impulso a unha cita que non deixa de medrar, tanto a nivel de participación como de calidade, nas verbas dos propios participantes”, insistiu o rexedor.

O presidente do club organizador da carreira, Álvaro Sánchez, agradeceu a colaboración do Concello de Cerceda, pois “sen ela sería totalmente imposible darlle ao evento a magnitude que ten a día de hoxe”.

Amosou a súa “felicidade” polo grande éxito de inscricións e “animo á xente a que sigan anotándose”. Fixo fincapé en que “este ano formarán parte da Poseidon Race algúns e algunhas dos mellores corredores/as do mundo”, o que definiu como “un soño para nós”.

Durante o mes de marzo conmemórase o Día da Árbore, unha data sinalada para lembrar a importancia de coidar as superficies arboladas e os bosques, e o CEIDA (Centro de Extensión Universitaria e Divulgación Ambiental de Galicia) quere celebralo cunha nova edición infantil das Conversas Naturalistas adicadas ás árbores e os libros.

A actividade terá lugar o vindeiro sábado, 16 de marzo, ás 12.00 h. nas antigas cabalarizas do Pazo de Lóngora, actual sede do Centro de Documentación, e terá unha duración aproximada de 2 horas. Está dirixida a rapazada de 7 a 14 anos, que poderán vir acompañados dun adulto, se o desexan.

Máis información e reservas en:

https://www.ceida.org/gl/novidades/conversas-naturalistas-arbores-e-libros

Cerceda acolle esta fin de semana do 17 e do 18 de febreiro a primeira proba do Circuíto de menores Padelprix, no que se dará cita o mellor do pádel galego en categorías de canteira.

Este novo torneo está na elite deste deporte a nivel de base na comunidade, pois é un dos únicos seis que se celebran en Galicia que é puntuable para o ránking nacional. Precisamente por isto, a inscrición, xa pechada, foi todo un éxito: 52 parellas federadas (104 inscritos), que xogarán por ser os mellores nas categorías Alevín masculino, Infantil masculino e feminino, Cadete masculino e feminino e Junior masculino.

Á inauguración do torneo, que se celebrará no Padelprix de Cerceda, asistirán o alcalde de Cerceda, Juan Manuel Rodríguez; o presidente da Federación Galega de Pádel, Poli Fernández; a xerente do Clúster Galego da Industria do Deporte e o Benestar, Sofía Toro; e o director do torneo, Xoel Tejo.

A organización fai un chamamento á veciñanza de Cerceda para que pase a ver o torneo, pois a entrada será de balde.

O Concello de Cerceda aprobou este martes a inclusión no Plan de Obras e Servizos da Deputación da Coruña un compendio de 26 intervencións por valor de 435.000 euros; aorredor de 10.000 euros para gasto corrente e 71.000 euros do Plan Único adicional para a liña de dependencia do Servizo de Axuda no Fogar, o cuarto piar do Estado do Benestar. En canto ás intervencións, estas son: 

• Pista A Capela Parada, Cerceda.
• Acceso en Coence, Cerceda.
• Acceso en Lavandeiras, Cerceda.
• Ramal en Avenida da Coruña, Cerceda.
• Acceso a O Redondelo, Queixas.
• Viario en O Ubal, Queixas.
• Viario en Gustovedra, Encrobas.
• Sinalización horizontal da pista da estrada a Meirama cara o límite con Carral, Encrobas.
• Sinalización horizontal estrada Cerceda - Laracha.
• Mellora do viario de O Barreiro e As Cavadas, Rodís.
• Viario en O Castelo, Meirama.
• Pista en A Cardiña, Meirama.
• Pista en Picardel, Meirama.
• Senda en Piñeiro, Cerceda.
• Mellora de beirarrúas en A Silva, Avenida da Paz, Rodís.
• Pista de Costa Vella O Telleiro, Queixas. 
• Piusta en Belsar, Encrobas. 
• Acceso a Cabalar, Xesteda. 
• Piusta de Folgar a Cerdeira, Rodís. 
• Viario en Sartego, Rodís. 
• Mellora da capa de rodaxe Portos-Gosende, Rodís. 
• Mellora do acceso á parte traseira do cemiterio, Rodís. 
• Acceso en Vila da Igrexa, Cerxceda. 
• Mellora da capa de rodaxe Piñeiro nave ata cruce, Meirama. 

O Concello de Cerceda recibiu hoxe de bo grao o comezo do concurso do nó de Transición Xusta de Meirama. Son proxectos onde a capacidade de acceso á rede eléctrica, liberada tras o peche de centrais térmicas, adxudícase mediante concurso para que sexa empregada por novas centrais de enerxías renovables. 

O Ministerio de Transición Ecolóxica (MITECO) fai pública hoxe unha consulta sobre esta cuestión, un trámite que busca coñecer  a opinión das empresas que poderían formar parte do concurso antes de elaborar as bases deste proxecto, enfocado nas enerxías limpas.

Ábrese agora un período de participación e consulta no que as compañías interesadas enviarán as súas propostas. Os principais obxectivos deste nó son: xeración de emprego a longo prazo mediante proxectos asociados, autoconsumo para a cidadanía e empresas, plans de formación e recualificación de traballadoras e traballadores.

O alcalde, Juan Manuel Rodríguez, asume que “desde hai tempo que resaltamos ante o Instituto de Transición Xusta a urxencia de habilitar conexión á rede eléctrica, de cara a converter en realidade os proxectos enerxéticos do territorio. Por iso hoxe estamos especialmente felices”, recalca. 

“Acaba de publicarse a consulta previa á elaboración das bases do concurso de acceso ao nó de transición xusta de Meirama, un proceso que vai facer fincapénos factores que levamos ano reivindicando: beneficios socioeconómicos, sustentabilidade, autoconsumo para a cidadanía e empresas, xeración de emprego e plans de formación, valores que van a ser prioritarios. Que a reindustrialización deixe unha pegada positiva para o conxunto da veciñanza, non é só a nosa idea, é tamén a nosa razón de ser e estar”.

O Concello de Cerceda reafirma a súa aposta pola creación de novos servizos e o aumento de infraestruturas públicas ao longo e ancho do seu territorio. 

O alcalde, Juan Manuel Rodríguez; e os concelleiros e concelleira Ángel Gestal, María del Carmen Rodríguez e Francisco Boquete visitaron hoxe varias das intervencións en marcha, e tamén a piques de rematar, no concello.

Trátase da creación da nova senda peonil Cerceda-Meirama, á que tan só lle queda por instalar unha baranda metálica e as novas luminarias; a execución da prolongación da senda peonil da Lousa; o camiño en rego asfáltico no Vilar; a creación dunha nova rede de pluviais e un muro de contención no Atrio e as novas beirarrúas na Silva, onde se actuou en 259 metros cadrados de extensión. 

En tanto en canto á primeira, executouse así un tramo de 300 metros de senda peonil con 15 centímetros de formigón coloreado de 2 metros de ancho. Previamente realizáronse tarefas de demolición  da cuneta existente e apertura de zanxas para realizar a instalación de tubaxes e arquetas de sumidoiros para a recollida de pluviais.

Trátase dunha aposta que se une á creación das xa existentes, como poden ser a de Gosende, A Silva-Tablilla ou de San Vicenzo. Tamén están proxectadas a do Roxo ou a de Ribasoutas a Xermar, “e todas elas cun claro obxectivo: fomentar a mobilidade non motorizada e promover os hábitos de vida saudables”, sinala o alcalde, Juan Manuel Rodríguez.

Na Lousa, amplíase a infraestrutura presente nalgo máis de 100 metros, e que presenta un ancho de practicamente dous metros e medio. No Vilar, mellorouse este camiño que da acceso a varias vivendas tras unha demanda veciñal. 

Por outra banda, no Atrio, executouse unha nova rede de pluviais, a creación dun muro de contención e novas beirarrúas que dotarán a este lugar de Cerceda dun servizo co que non contaba ata o dagora. 

No restante, as beirarrúas na Silva, trátase dunha execución, como decíamos con anterioridade, en 259 metros cadrados de novas beirarrúas para incrementar a seguridade peonil.

“Sempre queda por facer, por iso seguiremos traballando con firmeza e determinación, de aí que nos últimos días xa se iniciaran á parte novas actuacións ao longo do territorio”, asume o rexedor cercedense.

 “Nos últimos días, desde o Concello iniciamos a mellora do acceso ao Piñeiro, o camiño en Carracedo e a cuneta transitable en Sucadío. Todos eles son traballos acometidos coa achega económica da Deputación Provincial da Coruña”, finaliza Rodríguez.

O Concello de Cerceda rematará a vindeira semana a execución da senda peonil que une os núcleos de Cerceda e Meirama, nun proxecto que contou cun orzamento total de 117.850 euros e que inclúe tamén o camiño Sucadío-Carballal, o de entrada a Parada, a canalización de pluviais en Atrio, o camiño en Carracedo e o aumento da senda peonil na DP-2405. Enmárcanse no Plan Único 2021 da Deputación da Coruña e finalizaranse nas vindeiras semanas.

Executouse así un tramo de 300 metros de senda peonil con 15 centímetros de formigón coloreado de 2 metros de ancho. Previamente realizáronse tarefas de demolición  da cuneta existente e apertura de zanxas para realizar a instalación de tubaxes e arquetas de sumidoiros para a recollida de pluviais.

“Supón un reforzo ao que se sumará a obra de mellora que ADIF vai a desenvolver a medio prazo na propia estación”, anuncia o alcalde, Juan Manuel Rodríguez. 

Melloras na estación de tren 

O pasado mes de novembro, o Concello de Cerceda trasladoulle a ADIF, entidade pública empresarial adscrita ao Ministerio de Transportes, Mobilidade e Axenda Urbana, un informe para acadar as melloras necesarias na estación de tren Cerceda – Meirama. 

A entidade, como resposta, afirmou que “de non mediar imponderables” o vindeiro ano 2024 comezarán as obas coa finalidade de modernizala, mellorando a seguridade e a súa inter operabilidade. 

Instalaranse dous elevadores panorámicos coas súas respectivas pasarelas de unión e unha nova rampla no aparcadoiro para acceso de vehículos e maquinaria de mantemento ao andén, así como unha rampla de acceso peonil.