Rematado o prazo de presentación de solicitudes , para as axudas dirixidas ás familias para libros de texto, material e vestiario para o curso 2017/2018, e unha vez comprobada a documentación que acompaña cada unha delas, a Xunta de Goberno Local celebrada o día 08/11/2017, aprobou a resolución definitiva das solicitudes concedidas e as denegadas, así como as contías das axudas.

Informar ás persoas interesadas que de acordo co artigo 13 das bases da convocatoria disporán dun prazo para presentar no Rexistro Xeral do Concello a documentación xustificativa, establecida no artigo 12 de ditas bases.

Prazo de xustificación: do 1 ao 15 de decembro de 2017

Máis información no teléfono 981 68 60 68

 

 

Attachments:
FileFile size
Download this file (LISTAXE DAS AXUDAS CONCEDIDAS E AS DENEGADAS.doc)LISTAXE DAS AXUDAS CONCEDIDAS E AS DENEGADAS.doc151 kB

O Concello de Cerceda a tráves dunha subvención  recibida para equipamentos térmicos de biomasa do Instituto Enerxético de Galicia acaba de executar o proxecto de instalación dunha caldeira de pellets na Biblioteca Municipal de Cerceda. 

Con este proxecto contase de acadar un importante aforro enerxético na instalación.

Con data 06/11/2017 o alcalde, José García Liñares, aprobou por decreto nº 680/2017, as listaxes coa relación das solicitudes completas e as pendentes de subsanar documentación, para as axudas municipais para o transporte escolar para o curso 2017-2018.

 

Informar ás persoas interesadas que disporán dun prazo de 10 días hábiles para presentar alegacións e/ou emendar a documentación requirida a contar a partir do día seguinte desta publicación.

No caso en que as persoas interesadas non presenten, no Rexistro Xeral do Concello, a documentación para subsanar no prazo establecido, quedarán denegadas.

 

Prazo de subsanación: ata o día 21/11/2017

 

Máis información no Departamento de Servizos Sociais ou no teléfono 981 68 60 68

 

Attachments:
FileFile size
Download this file (LISTAXES DAS SOLICITUDES COMPLETAS-INCOMPLETAS.doc)LISTAXES DAS SOLICITUDES COMPLETAS-INCOMPLETAS.doc59 kB

 Domingo, 05 de novembro – MALASOMBRA--- OS ROCKEINSTEIN

Ás 18:00h

Auditorio municipal de Cerceda

O doutor Rockenstein é un gran profesor, un gran científico, un inventor, pero tamén é un apaixoado da música consciente de que a boa música está desaparecendo do planeta. Para remedialo, no seu laboratorio decide crear un ser vivo, unha criatura e convertela nunha verdadeira estrela musical que salve ó mundo da desaparición do Rock´n Roll, e para iso, mestura na súa máquina de experimentos os ingredientes necesarios para crear unha estrela do rock.

Un espectáculo de humor no que non faltará a boa música destas futuras estrelas do rock!!

Para todos os públicos. Coa colaboración da Rede Cultural da Deputación da Coruña

Este programa de promoción do envellecemento activo e convivencia, destinado ás persoas maiores que se atopen soas nestas datas, xa sexa por carencia de familiares ou amigos, perda do seu cónxuxe ou por outras circunstancias.


Prazas e destinos
Ofértanse un total de 240 prazas distribuídas do seguinte xeito:
- 120 na Residencia de Tempo Libre de Panxón, en Nigrán (Pontevedra), para as persoas solicitantes das provincias de A Coruña e Ourense.

Datas e servizos
Este programa levarase a cabo entre o día 23 de decembro de 2017 e o día 7 de xaneiro de 2018 e comprende os seguintes servizos:

  • Estancia na residencia durante 16 días (15 noites).
  • Aloxamento en habitacións compartidas e manutención en réxime de pensión completa.
  • Desprazamento en autobús desde os lugares que se establezan nas localidades que corresponda (Santiago, A Coruña, Ferrol, Pontevedra, Vigo, Lugo ou Ourense) ata a  residencia de tempo libre que se lle adxudique e viceversa.
  • Actividades de animación sociocultural.

A recollida das persoas participantes efectuarase o día 23 de decembro pola tarde e a volta o día 7 de xaneiro despois do almorzo.

Persoas beneficiarias:
a) Ter 60 anos, cumpridos no momento en que remate o prazo de presentación de solicitudes.
b) Estar empadroado nalgún concello galego.
c) Vivir so no seu domicilio e ter que pasar só/a as datas do Nadal.
d) Valerse por si mesmo e non padecer enfermidade infecto-contaxiosa activa nin trastornos mentais ou de conduta non compensados que poidan alterar a convivencia.

Solicitudes:

O prazo de presentación será ata o día 17 de novembro incluído, nos servizos sociais comunitarios do concello.


Prezo da praza:
As persoas participantes que teñan uns ingresos inferiores ao IPREM (537,84€/mes), asistirán de forma gratuíta ao programa, mentres que aquelas cuns ingresos superiores a dito importe contribuirán ao pago da estancia coa achega de 50€.

Documentación:
As persoas ás que se lle adxudique praza terán que confirmar a súa asistencia e, no momento de incorporarse ao programa, ir provistas de:

  • DNI ou pasaporte en vigor.
  • Informe médico actualizado no caso de ter algunha limitación, alerxia ou enfermidade que requira de algunha atención especial (control sanitario, tratamento farmacolóxico, alimentación, accesorio de apoio, habitación individual ...etc). De non levar a acreditación da necesidade, non se lle prestará ningún tipo de atención especial.
  • Tarxeta sanitaria, medicación habitual necesaria e/ou accesorios para o transcurso da estadía.
  • Roupa cómoda.

Sinalamos que o aloxamento en habitacións individuais terá un carácter excepcional e que a necesidade do mesmo debe estar acreditado na documentación que acompaña á solicitude ou de selo caso mediante informe médico.

 

CONVOCATORIA SUBVENCIÓNS MUNICIPAIS A DEPORTISTAS E ÁS ENTIDADES CULTURAIS OU DEPORTIVAS PARA A REALIZACIÓN DE ACTIVIDADES 2017

 O Concello de Cerceda vén de publicar (BOP núm.180, de 21 de setembro 2017) a Convocatoria de Subvencións dirixidas a deportistas e ás entidades culturais ou deportivas para a realización de actividades neste ano 2017.

O prazo de presentación de solicitudes permanecerá aberto dende o 22 de setembro ata o 23 de outubro de 2017. A documentación, para facer a solicitude, estará dispoñible nas Oficinas Xerais do Concello, na páxina web municipal e na Sede electrónica do Concello de Cerceda. Accede dende esta nova a documentación para facer a solicitude.

 

Este venres, 27 de outubro ás 17:30, na Biblioteca municipal de Cerceda toca unha nova sesión de Merendas e Contos. Títeres Cachirulo presenta o seu espectáculo "A cabeza do dragón". Fai a túa inscrición  nas Oficinas xerais do Concello ou no teléfono 981685001.

  • BIBLIOTECA MUNICIPAL DE CERCEDA-- VENRES, 27 DE OUTUBRO// ÁS 17:30H
  • Espectáculo: A cabeza do dragón de Títeres Cachirulo. A partir de 4 anos
  • Coa colaboración da Rede Cultural da Deputación da Coruña 2017.

O Concello de Cerceda pon en marcha o sistema de información móbil TokApp. A través desta plataforma de notificacións poderás recibir todos os avisos e notificacións do noso concello.

O sistema require ter descargada a aplicación, TokApp, no teu teléfono ou tableta e cubrir un sinxelo formulario para darse de alta. Podes facelo dende o seguinte enlace

Non perdas a oportunidade de estar informado de todo o que pasa no teu concello!

Attachments:
FileFile size
Download this file (TokApp CONCELLO.pdf)TokApp CONCELLO.pdf1590 kB

O concello de Cerceda, organiza para o sábado 4 de novembro, unha viaxe a Sarria, co seguinte programa:

 8.30 Saída de diante do Museo do Moucho

10.00 Chegada a Sarria

          Visita polo pobo

14.00 Xantar

A tarde baile

19.00 Saída para Cerceda.

 

* O programa está suxeito a modificacións que poidan darse ata o día da viaxe

 

O precio por persoa é de 22 €.

Para mais información poden chamar ao 981 68 60 68. 

 

 

 

 

 

Tras o encontro do alumnado de Cerceda, no mes de maio, coa escritora María Canosa chega a adaptación teatral de Rubicundo, de Teatro dos Ghazafelhos, ao Auditorio municipal este domingo 8 de outubro ás 18:00h. Non podes perdelo!

Rubicundo cóntanos unha fermosa historia sobre a amizade, a constancia e a
poesía, abríndonos a posibilidade de perseguir os nosos soños sen sentir límites nin
distancias…
Rubicundo é unha obra de teatro actoral onde tres personaxes interactuan con
obxectos, monicreques, bailan e cantan en directo. Coa fermosa historia de María
Canosa de fondo, Ghazafelhos propón unha posta en escena chea de sorpresas
pasando pola música, os monicreques, acrobacia, claqué... Unha mestura de xéneros
que Ghazafelhos soe propor para sorprender a un público familiar e facer difícil de
esquecer esta máxica historia.

Público: Familiar (recom.+5 anos)
Duración: 60 min.

  • DOMINGO, 8 DE OUTUBRO -- ÁS 18:00H
  • AUDITORIO MUNICIPAL DE CERCEDA
  • Entrada de balde ata completar aforo.

O Servizo de Normalización Lingüística da Mancomunidade de Ordes vai levar a cabo a realización dun curso básico de lingua galega dirixido fundamentalmente a persoas  interesadas na adquisición das competencias básicas en lingua galega (poboación non galega, basicamente):

Curso básico de lingua galega 

Prazo de solicitude: ata o 11 de outubro

Lugar: SNL da Mancomunidade de Ordes, de 08:00 a 15:00 horas (tel.: 981 680 002, ext.120)

Datas de realización do curso: 17 outubro-7 decembro 2017 (martes e xoves, de 10:00 a 12:30 horas)

Lugar de realización do curso: o concello que teña máis solicitudes

Chega á Biblioteca municipal da Silva, dentro da programación do Ler Conta Moito da Rede de Bibliotecas de Galicia, o espectáculo CONTOS DE MARMALEIRO, ANÍS E LIMÓN de Marisa Irimia. Historias cheas de maxia e emocións. Contos doutros tempos e outras falas, contos que vos farán gozar e que vos iniciarán no camiño dos relatos e as historias.

Público: Nenos de 4 a 10 anos.

BIBLIOTECA MUNICIPAL DA SILVA -

  • VENRES, 29 DE SETEMBRO
  • ÁS 17:15H

Inscricións das Oficinas xerais do Concello ou no teléfono: 981685001, a partir do luns 25 de setembro.

Páxina 18 de 20