O Concello de Cerceda finaliza a elaboración do Informe de seguimento do PACES (Plan de Acción polo Clima e a Enerxía Sostible), unha iniciativa europea na que os gobernos locais e rexionais comprometéronse de forma voluntaria a implantar no seu territorio os compromisos en materia de clima e enerxía da Unión Europea.

A Administración local adheriuse ao Pacto das Alcaldías en marzo de 2021 e elaborou o seu primeiro informe PACES en novembro de 2021. Entre os compromisos que se adquiriron está o de reducir en, polo menos, un 40% as emisións de CO2 no concello de cara ao ano 2030, tomando como ano de referencia o 2015. Outro dos compromisos adquiridos é o de aumentar a capacidade de resiliencia do concello mediante a adaptación ao cambio climático.

Tras dous anos, e tal como establece o Pacto das Alcaldías, debe avaliarse o estado das medidas que se propuxeron para comprobar se o concello de Cerceda está en boa dirección para alcanzar o compromiso de redución das emisións de cara ao 2030. Ademais, o Concello de Cerceda, en consonancia co seu compromiso coa sustentabilidade e a mellora ambiental, no presente informe inclúe novas medidas orientadas á adaptación ao cambio climático e á loita contra a pobreza enerxética.

Nos últimos meses, Vertia, a empresa contratada para a elaboración do informe de seguimento, volveu a facer un novo Inventario de Emisións de Referencia (IER) do ano 2022 facendo unha análise comparativa co IER do ano 2015.

No ano 2022 no concello de Cerceda acadouse unha redución do 14,6% das emisións de CO2 respecto ao ano 2015, o equivalente a 3.506 toneladas de CO2Esta redución de emisións permite afirmar que o Concello vai polo bo camiño para alcanzar o seu obxectivo de redución do 40% no 2030.

O rexedor de Cerceda, Juan Manuel Rodríguez, salienta que “estamos enmarcados na consecución dos obxectivos da Axenda 2030, e neste caso dun modo moi tanxible, que foi unha das críticas que se lle fixera a este escenario, a dificultade de medir os seus obxectivos. Isto sitúanos á vangarda e ten plena coherencia do que é un Concello que traballa pola redución das emisións de dióxido de carbono, a mobilidade peonil e nos obxectivos que veñen marcados por Europa. Estes beneficios vai moito máis aló da consecución do obxectivo marcado, que xa é unha causa importante en si mesma”, aplica. 

Logo da celebración do Pleno de investidura, no que tomou posesión Juan Manuel Rodríguez novamente como alcalde do Concello de Cerceda o pasado 17 de xuño, o Salón de Plenos acolleu esta mañá a sesión de organización, na que se deu a coñecer o organigrama da corporación cercedense para o vindeiro mandato 2023-2027. 

Así, por parte do Partido Socialista de Cerceda e equipo de goberno, serán concelleiras e concelleiros da nova corporación o propio rexedor, Juan Manuel Rodríguez, acompañado de Cristina Capelán Cancelo, Francisco Javier Boquete, Jesús Rama, María del Carmen Martínez, Catrina Queijo, Silvia Lois, Ángel Gestal e José Óscar Golán. 

Por parte do Partido Popular, serán edís David Lamas, Marta Grela e Alfonso Mosquera, e polo Bloque Nacionalista Galego, Alberte Sánchez. As sesións plenarias ordinarias celebraranse os últimos xoves de cada mes impar ás 21:00 horas.

As competencias serán repartidas da seguinte maneira: 

  • Cristina Capelán: concelleira de Cultura, Educación e Turismo.
  • Francisco Boquete Cambón, concelleiro de Obras, Urbanismo, Contratos e Vida Saudable.
  • Catrina Queijo: concelleira de Benestar Social, Igualdade e Comunicación. 
  • María Carmen Martínez Barreiro, concelleira de servizos de tecnoloxía, dixitalización e innovación. 
  • Jesús Rama Bello, concelleiro de Medio Ambiente, Instalacións Deportivas e Persoal. 
  • Ángel Gestal, concelleiro de Festas e Medio Rural. 
  • Silvia Lois, concelleira de Relacións Veciñais e Comercio. 
  • Óscar Golán, concelleiro de Deportes e Dinamización.

A Xunta de Goberno Local estará conformada polas e polos edís Catrina Queijo, Silvia Lois, Ángel Gestal e María Carmen Martínez. Celebraranse as súas sesións ordinarias os mércores de semanas alternas ás 13:30 horas. En caso de ser festivo, trasladarase ao día hábil inmediatamente posterior.

 

Tenencias de alcaldía

As tenencias de alcaldía estarán repartidas da seguinte maneira: a primeira tenente de alcalde será Catrina Queijo; a segunda María Carmen Martínez Barreiro; o terceiro Ángel Gestal Gómez e a cuarta Silvia Lois Fraga. 

O IMSERSO abre o prazo para novas solicitudes de turismo dende o 29 de xuño ata o 25 de xullo de 2023

 

Solicitantes:

Persoas residentes en España que reúnan calquera dos seguintes requisitos:

  • Ser pensionista de xubilación do Sistema Público español de Pensións.
  • Ser pensionista de viuvez e ter 55 anos cumpridos.
  • Ser pensionista por outros conceptos ou perceptor de prestacións ou subsidios de desemprego, en todos os casos con 60 anos cumpridos.
  • Ser titular ou beneficiario do Sistema da Seguridade Social, con 65 anos cumpridos.
  • Deberán valerse por si mesmos e non  padecer alteracións de comportamento que impidan a normal convivencia nos hoteis.

 

Para máis información no Departamento de Servizos Sociais ou no teléfono 981 686 068

O Concello de Cerceda presenta a súa programación cultural para os meses de xuño, xullo e agosto. Teatro, cine e maxia capitalizan a escolma de actividades para público familiar os meses de verán. 

Así, dará comezo o domingo 25 de xuño ás 12:00 horas con “Teatro ó cubo”, no Xardín Botánico. En caso de chuvia será no Auditorio de Cerceda. O domingo 9 de xullo, ás 11:00 horas, quenda para “Tonto, loco y salvaje”, tamén unha obra de teatro para público familiar que se celebrará no Auditorio Municipal de Cerceda. 

En agosto, dúas citas para marcar no calendario. A primeira, o día 9 deste mes, co filme “Los Mitchells contra las máquinas”, ás 22:30 horas no Campo da Feira de Cerceda. O sábado 26, para pechar a programación estival, o Mago Antón estará no Campo da Feira da Silva ás 12:00 horas e no Campo da Feira de Cerceda ás 18:00, 19:00, 20:00 e 21:00 horas co seu espectáculo “A volta a Galicia en 313 concellos”. 

Non é necesario reserva previa para ningún dos espectáculos. 

O Concello de Cerceda, a través do departamento de Benestar Social, igualdade e comunicación, abre o prazo de solicitude do servizo de “ Bos Días Cole” curso 2023/2024.
A prestación do servizo, estará supeditada a un mínimo de 13 menores usuarios/as, así como a situacións sobrevidas que poidan darse r que afecten o seu funcionamento ou posta en marcha.


Os servizo que ofrecen son:
- Servizo de monitores
- Servizo de almorzo.


Tipo de matrículas:
- Menores usuarios fixos, de luns a venres.
- Menores usuarios fixos por días soltos: ata un máximo de 12 días ao mes.
- Menores usuarios ocasionais, no caso de que queden prazas vacantes.


O custo do servizo segundo o uso será:
1. Tódalas persoas que soliciten o servizo aboarán en concepto de matricula : 10,00€

2. As persoas usuarias fixas, con matrícula tódolos días da semana:
Poden escoller entre estas dúas opcións
2.1. Sen almorzo: 30,00 €/mes
2.2. Con almorzo: 55,00 €/mes.

3. As persoas usuarias fixas mensuais matriculadas por días soltos, ata un máximo de 12 días, a partir do día 13 aboarase o mes completo.
Poden escoller entre estas dúas opcións:
3.1. Sen almorzo: 2,50 €/día.
3.2. Con almorzo: 3,50 €/días.

4. Persoas usuarias ocasionais:
Poden escoller entre estas dúas opcións
4.1. Sen almorzo: 3,50 €/día
4.2. Con almorzo: 4,50 €/día


PRAZOS.

Abrirase un prazo de solicitude dende o 19 de xuño ao 7 de xullo, para todo o alumnado matriculado no centro.

 

Para máis información contactar

SERVIZOS SOCIAIS DO CONCELLO DE CERCEDA

Teléfono: 981 686 068

>>> Ver ou descargar formulario de solicitude (pdf)

 

 

EXPOSICIÓN PÚBLICA DO CENSO ELECTORAL
Faise saber, que en cumprimento da normativa electoral vixente (Lei orgánica 5/1985, de 19 de xuño e as súas modificacións) e de cara á convocatoria das Eleccións a Cortes Xerais 2023 (data de votación 23/07/2023), están a disposición do público os seguintes censos electorais : CENSO ELECTORAL DE ESPAÑOIS RESIDENTES EN ESPAÑA (CER), CENSO ELECTORAL DE ESPAÑOIS RESIDENTES NO ESTRANXEIRO (CERA), así como a lista das MESAS ELECTORAIS, para a súa CONSULTA OU POSIBLE RECLAMACIÓN ADMINISTRATIVA (por parte das persoas interesadas) ...

>>> Ver documento completo (pdf)

Tras o inicio do servizo de telefonía móbil de nova xeración (4G e 5G) na zona, poderían producirse efectos na recepción da televisión dixital terrestre (TDT).

Para solucionar estas afectacións e garantir que a posta en servizo das estacións base de telefonía móbil non afecte á TDT, a entidade LLEGA700 realiza as actuacións técnicas necesarias nas instalacións de recepción de usuarios de TDT. Estas actuacións son gratuítas para os cidadáns afectados.

Segundo a Orde Ministerial que regula este proceso, o prazo para solicitar actuacións en caso de afectación por parte dos usuarios da TDT é de seis meses desde a data de posta en servizo das estacións de telefonía móbil.

Mediante esta comunicación informámoslle de que está a piques de rematar o prazo autorizado de 6 meses, desde a posta en marcha de todas as estacións que afectan ao seu concello, para resolver incidencias na recepción da TDT sen custo para os cidadáns.

Sen prexuízo do anterior, infórmase de que o 31-05-2023 rematará definitivamente o prazo de solicitude de accións gratuítas por parte dos usuarios da TDT, polos posibles efectos ocasionados polos nodos 4G e 5G.

 

Lembrámosvos que para acudir ao centro de atención ao usuario e poder resolver as incidencias, haberá que chamar ao teléfono gratuíto 900 833 999.

 

Esta mañá, durante as xornadas sobre Transición Xusta que se están a desenvolver no Viveiro de Empresas de Cerceda, a directora do ITJ, Laura Marín, acompañada por Juan Manuel Rodríguez, alcalde do Concello de Cerceda, confirmaba que Meirama acollerá o proxecto de hidróxeno verde impulsado por Naturgy, Repsol e Reganosa cunha financiación de 15 millóns de euros do Instituto para a Diversidade e Aforro Enerxético, IDAE, dependente do Goberno de España. O investimento total será de 46,4 millóns de euros, nun proxecto que xerará 400 postos de traballo directos, indirectos ou inducidos durante a fase de construción e operación.

Rodríguez afirma que se trata “dunha gran nova para Cerceda e toda a comarca, unha oportunidade de emprego extraordinaria, froito da estreita colaboración que mantivemos co Instituto de Transición Xusta”, e unido a isto, recalcaba que “para nós é unha carta pola que imos apostar decididamente e temos claro que para ser un referente a nivel de emprego, a nivel de servizos públicos e a nivel de investimentos temos que ser un referente en Transición Ecolóxica Xusta, porque é o futuro e onde estamos enmarcados”.

Laura Marín, directora do Instituto para a Transición Xusta, sinalou durante a súa primeira intervención que “se puxo moito énfase en que a
autorización do peche de centrais estivesen acompañados por plans de futuro, fito moi importante. Neste sentido hoxe confirmamos que o proxecto conxunto de Naturgy, Reganosa e Repsol, que nun primeiro termo quedara fóra da resolución provisional, será unha realidade, apoiado por fondos do IDAE e que iniciará un proxecto chamado a ser o futuro enerxético en Cerceda e na súa contorna”.

O proxecto contempla a instalación dunha planta de electrólise alimentada con enerxía 100% renovable nos terreos da antiga central térmica de Meirama, en Cerceda. Co pulo deste vector enerxético, as tres compañías reforzan o seu compromiso cunha transición enerxética xusta. A planta de hidróxeno renovable terá unha potencia inicial de 30 MW, en distintas fases ata un potencial total de 200 MW. Producirá máis de 4.000 toneladas de hidróxeno renovable ao ano nunha primeira fase e alcanzará unha produción total de 30.000 toneladas anuais. 

O hidróxeno renovable xerado destinarase a uso industrial para substituír o hidróxeno convencional que actualmente utiliza a refinería de Repsol na Coruña. Tamén se utilizará noutras industrias, na inxección na rede de gas para ser mesturado con gas natural e en mobilidade. Todos estes usos permitirán reducir a pegada de carbono da zona e demostrar a viabilidade da produción masiva de hidróxeno renovable e da súa distribución ao consumidor final.

  • Esta mañá visitaron a recentemente renovada construción Laura Marín, directora do Instituto para a Transición Xusta, María Rivas, subdelegada do Goberno na Coruña, e o alcalde, Juan Manuel Rodríguez.
  • Supuxo un investimento total de 131.658,90 euros, e 77.798,00 euros foron aportados polo Instituto polo ente estatal,e o resto o AGADER e fondos municipais.

O Concello de Cerceda recepcionou o pasado mes de outubro as obras de renovación do interior do edificio municipal que se atopa preto da área recreativa de Xesteda para convertilo nun Centro Social e Cultural, nun proxecto que dinamizará a parroquia, dando servizo e actividade á súa poboación cunha instalación acorde ás necesidades demandadas pola veciñanza.

Esta mañá visitaron a recentemente renovada construción Laura Marín, directora do Instituto para a Transición Xusta; María Rivas, subdelegado do Goberno na Coruña, e o alcalde, Juan Manuel Rodríguez. Supuxo un investimento de 131.658,90 euros, dos que 77.798,00 euros foron aportados polo ente estatal, e o resto o AGADER e fondos municipais.

O obxectivo do goberno local é que o inmoble acolla actividades de todo tipo, e para todas as idades, de diversa índole como culturais, educativas, lúdicas e asociativas, xa que actualmente esta parroquia non conta con ningún local destas características. O miúdo desta actividade será protagonizado pola Asociación de Mulleres da parroquia.

Así, actuouse no acceso cara o primeiro andar desde o exterior polo baixo. No que se refire o interior, adecuáronse os espazos referentes o vestíbulo de acceso, o aseo da planta baixa, o almacén da planta baixa, o vestíbulo e o aseo da primeira planta e as dúas salas multiusos do primeiro andar.

Tamén se executaron todos os acabados interiores, en tarima de madeira laminada nas salas multiusos do primeiro andar, e en gres cerámico nos restantes espazos. Colocáronse elementos de illamento térmico nas fachadas e realizouse unha renovación total da carpintaría e executaranse as instalacións de fontanaría, saneamento, baixa tensión e alumeado.

Laura Marín, directora do Instituto para a Transición Xusta, destacou que “hoxe vimos a visitar un edificio cuxo proxecto de desenvolvemento está moi avanzado e que se inaugurará nun curto período de tempo, no que poñemos especial énfase para dinamizar a vida dos territorios con menos densidade de poboación e onde asociarse e levar a cabo actividades é sumamente importante. Aproveito para felicitar o alcalde de Cerceda, porque se puxo moito fincapé neste proxecto e hoxe vemos os froitos destes esforzos”, recalcou.

A subdelegada do Goberno, María Rivas, subliñou que “para o Goberno, a sustentabilidade é un obxectivo irrenunciable e queremos seguir traballando no futuro pensando no Mundo que lle deixamos ós nosos fillos e fillas, facendo compatible un desenvolvemento económico lóxico cuns valores sustentables”.

O alcalde, Juan Manuel Rodríguez, sinalou que “con esta remodelación queremos dinamizar Xesteda e nas vindeiras semanas faremos a entrega. Convido a que se faga unha imaxe fixa do que era esta parroquia hai tres anos e o que é hoxe. O nivel de investimento nos ámbitos da mobilidade peonil, iluminación e edificacións públicas é totalmente significativo”, asegurou o rexedor.

 

Outros proxectos

Juan Manuel Rodríguez visitou con Marín e Rivas a contorna do Aquapark de Cerceda, “onde desfrutaremos de dous proxectos que terán financiamento do Instituto para a Transición Xusta. Un é o que nos permitirá establecer un sistema de circulación de calor na auga aproveitando a enerxía solar, e outro é o paseo fluvial, onde se remodelarán as instalacións e se prolongará ata a estrada de titularidade provincial que conecta Cerceda con Xesteda, e que confluirá coa Vía Verde, o que suporá un desenvolvemento na mobilidade peonil vencellado ao que vén potenciando o goberno local”, asegurou o alcalde.

O Concello de Cerceda recibiu esta mañá cun acto institucional a Jonathan Barreiro, deportista cercedense actualmente nas filas do Unicaja de Málaga e que se proclamou a pasada semana campión da Copa do Rei de baloncesto, tras derrotar na final ao Lenovo Tenerife. 

Tivo lugar esta mañá, venres 24 de febreiro, no Salón de Plenos do Consistorio e acudiron o alcalde, Juan Manuel Rodríguez, e o resto de concelleiros e concelleiras do goberno e parte dos integrantes da Corporación municipal. 

Barreiro, de 26 anos, amosouse “moi agradecido por este recoñecemento” e confesa estar “feliz non só polo título, senón pola oportunidade de ganar unha competición no máis alto nivel do básquet nacional e que isto sirva para ser espello á mocidade. Con traballo, esforzo e máis traballo, hai posibilidades de chegar ao máis alto”, sentenciaba o profesional da canastra.

O alcalde, Juan Manuel Rodríguez, destacou que “é un cercedense que xoga na segunda mellor liga de baloncesto do Mundo, compite na Euroliga e todos admiramos o seu éxito, que estácomposto or un talento innegable, pero tamén polo que máis admiramos: a súa capacidade de traballo, que coa súa resiliencia e a súa humildade leva o nome de Cerceda polo Mundo adiante”, resaltou.

O alcalde de Cerceda, Juan Manuel Rodríguez, o presidente da Deputación, Valentín González Formoso, e a concelleira e deputada provincial Cristina Capelán asinaron esta mañá o convenio para cofinanciar as obras de mellora das instalacións deportivas do campo de fútbol “O Outeiro”.

A entidade provincial achegará o 80% do orzamento total, que ascende a 346.478,01 euros, mentres que a administración local completará o financiamento co 20% restante, que son 69.295,60 euros.

O proxecto contempla a instalación dunhas gradas cubertas que acollan a zona de vestiarios, almacén, sala de instalacións, aseos e a cantina no seu interior. Para isto levantarase unha estrutura de formigón armado en cimentación, colocando vigas e piares, placas alveolares e bancadas prefabricadas, ademais de engadir unha cuberta simple de chapa metálica fixada directamente sobre correas metálicas. O seu interior estará destinado a dous vestiarios para os xogadores, un vestiario para os árbitros, un almacén, unha cantina, unha sala de instalacións e dous aseos – dos que un estará adaptado para persoas con mobilidade reducida-.

O texto tamén prevé a mellora do terreo de xogo mediante a creación dunha gabia de drenaxe na zona noroeste da parcela intercepte o fluxo de auga subterránea e redirixa o caudal cara as beiravías do campo, a colocación de 4 torretas de iluminación artificial nos laterais e a reposición do firme da superficie de actuación que resulte danada polas obras.

Coa execución desta obra vaise mellorar unha infraestrutura moi importante para o Concello de Cerceda, que facilitará a práctica deportiva e redundará no beneficio da veciñanza.

Páxina 5 de 26