Actualidade

XXI Festa do Cochiño

Mellora da accesibilidade da Casa Consistorial no seu acceso ao concello e ó xulgado

O Concello de Cerceda está a acometer as obras  de accesibilidade da Casa Consistorial, financiadas pola Consellería de Política Social, dentro da Orde do 21/07/29017, pola que se establecen as bases reguladoras para a concesión de subvención aos concellos galegos, destinadas á mellora da accesibilidade nos edificios e espazos de uso público, cofinanciadas polo programa europeo do Fondo Europeo de Desenvolvemento Rexional Galicia 2014-2020, e se procede a súa convocatoria para os anos 2017 e 2018.
A actuación consiste na “Mellora da accesibilidade da Casa Consistorial no seu acceso ao concello e ó xulgado" (itinerario e aseo).

Campamento Europeo Cerceda 2018

CAMPAMENTO EUROPEO CERCEDA 2018... Buscamos moz@s de Cerceda que estean dispostos a vivir unha experiencia única!!
toc toc.... 
Moz@s de Cerceda...Se tes 13 ou máis anos e ganas de pasar unha semana de intercambio con outr@s moz@s europe@s e disfrutar dunha experiencia única... Contacta con nós no 981685001. As prazas son limitadas!! #googdvipes  

Cine ao aire libre este xoves 5 de xullo no Campo da Feira da Silva

CINE AO AIRE LIBRE NO CAMPO DA FEIRA DA SILVA Iniciamos as proxeccións de verán 2018, no Campo da Feira da Silva este xoves, 5 de xullo ás 22:30h, coa película BALLERINA.  Coa colaboración da Rede Cultural da Deputación da Coruña 2018 @DACCultura

Solicitudes festas e verbenas populares

Neste apartado pode atopar a normativa referente ós trámites para realizar as festas e verbenas populares, así mesmo pode descargar os formularios de solicitudes e declaracións ó efecto. >>> Ver máis

Horario do Punto Limpo

HORARIO DO PUNTO LIMPO:
  • Luns a Venres, de 16:00 a 20:00 horas
  • Sábados: de 10:00 a 14:00 horas

Charla de afectividade e sexualidade o 6 de xullo na biblioteca de Cerceda.

O vindeiro 6 de xullo as 19:00, impartirase unha charla sobre afectividade e sexualidade a cargo de Alfredo Saborido (sexólogo e traballador social). A charla está dirixida a toda a poboación. Máis información no teléfono de servizos sociais, no 981686068.   Attachments:
afectivo sexual cerceda.pdf

Sorteo Público das prazas dos Campamentos deportivos de verán 2018 da Deputación da Coruña

O sorteo público das prazas asignadas ao Concello de Cerceda, pola Deputación da Coruña, da Campaña de Campamentos deportivos 2018, realizarase o martes 19 de xuño, ás 12:30h, no Salón de Plenos da Casa consistorial.

Campamentos urbanos de verán 2018: aberto o prazo de inscrición

O Concello de Cerceda vén de presentar a programación dos Campamentos de verán 2018. Xa podes consultar a información e facer a túa inscrición nas Oficinas xerais. Nas diferentes quendas mesturaranse actividades lúdicas propias de campamentos adaptadas ás diferentes idades, con actividades de ámbito cultural que acheguen aos nenos e nenas ao pobo de Cerceda, á natureza, á cociña … Todas estas actividades estarán encamiñadas a conseguir que os nenos e nenas disfruten do seu tempo de ocio mediante novas experiencias.
  • Dirixido a nenos/as nados/as do 2.000 ao 2014.
  • Datas das quendas:
  • QUENDA 1 :   25 de xuño ao 6 de xullo QUENDA 2: 9 de xullo ao 20 de xullo QUENDA 3: 23 de xullo ao 6 de agosto

Cores e Persoas de Trinke Trinke este venres nas Merendas e Contos da Biblioteca de Cerceda

Este venres a Biblioteca de Cerceda vivirá unha nova sesión de Merendas e Contos, a partir das 17:15h, pola Compañía Trinke Trinke. A gran Lilí Gruyère vèn dunha xira polos EEUU da que trae moitos agasallos para os demais ratiños e ratiñas de Lonxedetodo. Na súa maleta, tamén, ten sitio pra varios libros de contos...que compartirá con nós! Así que non esquezas facer a túa inscrición nas Oficinas xerais do Concello ou no teléfono 981685001
  • BIBLIOTECA MUNICIPAL DE CERCEDA --- VENRES, 8 DE XUÑO ÁS 17:15H
  • ESPECTÁCULO: Cores e persoas, da Compañía Trinke Trinke Teatro
  • INSCRICIÓNS: Nas Oficinas xerais ou no teléfono 981685001
   

Subcategorías

Utilizamos cookies propias e de terceiros para proporcionar os nosos servizos e realizar análise de uso e de medición de nosa web. Se continúa navegando, consideramos que acepta o seu uso.

Pode consultar máis información aquí.

Entendín