Actualidade

Axudas de material escolar. Curso 2017-2018.

Ata o vindeiro día 5 de outubro estará aberto o prazo para solicitar as Axudas dirixidas ás familias para libros de texto, material escolar e vestiario básico para o curso escolar 2017-2018. As axudas están dirixidas a aquelas familias con menores a cargo, escolarizados/as en centros de ensinanza públicos do termo municipal de Cerceda, e que cursen estudos do segundo ciclo de educación infantil, ensinanza primaria ou secundaria obrigatoria e que cumpran cos requisitos económicos establecidos nas bases da convocatoria. A convocatoria saiu hoxe, 15 de setembro de 2017 publicada no BOP, onde se da conta das bases reguladoras desta subvención. Attachments:
MODELO SOLICITUDE MATERIAL.pdf

Axudas transporte escolar. Curso 2017-2018

No BOP, do día de hoxe, 15 de setemro de 2017, publicanse as bases da convocatoria das axudas dirixidas ás familias para o transporte escolar, para o curso 2017-2018. O prazo de solicitude é de 20 días naturais, a contar dende o día seguinte o da súa publicación no BOP, é dicir, o prazo de solicitude estará aberto ata o día 5 de outubro. A convocatoria vai dirixida para o alumnado de bacharelato ou ciclos formativos, cuxa idade non supere os 25 anos e que residan no concello de Cerceda e cumpran cos requisitos económicos recollidos no artigo 4 das bases. A contía da axuda é de 200,00€. Attachments:
MODELO SOLICITUDE TRANSPORTE.pdf

Voltan as Merendas e Contos á Biblioteca da Silva este venres 29 de setembro

Chega á Biblioteca municipal da Silva, dentro da programación do Ler Conta Moito da Rede de Bibliotecas de Galicia, o espectáculo CONTOS DE MARMALEIRO, ANÍS E LIMÓN de Marisa Irimia. Historias cheas de maxia e emocións. Contos doutros tempos e outras falas, contos que vos farán gozar e que vos iniciarán no camiño dos relatos e as historias.
Público: Nenos de 4 a 10 anos. BIBLIOTECA MUNICIPAL DA SILVA -
  • VENRES, 29 DE SETEMBRO
  • ÁS 17:15H
Inscricións das Oficinas xerais do Concello ou no teléfono: 981685001, a partir do luns 25 de setembro.

Teatro do Noroeste co seu espectáculo Estado de Graza este sábado 30 de setembro no Auditorio

TEATRO DO NOROESTE co espectáculo ESTADO DE GRAZA Sábado, 30 de setembro – Ás 20:30h Auditorio municipal de Cerceda Teatro do Noroeste chega a Cerceda, da man da Deputación da Coruña, para conmemorar o seu 30 Aniversario na escena galega co espectáculo Estado de Graza. A presentación do espectáculo, no Auditorio municipal de Cerceda, coindice coa reunión anual da Asociación de directores/as de escena de España que este ano celébrase en Galicia.   A difícil relación entre unha filla que ansía a liberdade e unha nai dominada polas crenzas. A historia de catro mulleres que loitan por establecer o seu lugar no mundo nun momento histórico complicado como foi o tardo franquismo. Público adulto http://www.teatrodonoroeste.com/obra.php?idObra=57

A Exposición "30 Anos actuando" de Teatro do Noroeste na Sala Municipal de Exposicións Xosé Neira Vilas

EXPOSICIÓN “XXX ANOS ACTUANDO” DE TEATRO DO NOROESTE Do 25 de setembro ao 30 de setembro, das 15:30 ás 20:30h Sala Municipal de Exposicións Xosé Neira Vilas (Biblioteca municipal de Cerceda) A exposición repasa a traxectoria da compañía teatral, creada por Eduardo Alonso e Luma Gómez. Consta de 42 paneis nos que se recollen os diferentes espectáculos (imaxes dos nomes das persoas que durante este tempo pasaron pola compañía, cartelería, etc.. ) Ademais, as persoas que se acerquen ata a mostra na Sala municipal de Exposicións Xosé Neira Vilas da Biblioteca municipal de Cerceda, poderán ver o vestiario orixinal de algúns dos espectáculos da compañía.

Cerceda licita por preto de 440.000 euros as obras do Plan Único da Deputación

Os proxectos financiados pola institución provincial inclúen a construción de beirarrúas no entorno do colexio de A Silva e a pavimentación do acceso ao campo de fútbol de Rodís e do aparcamento do polideportivo municipal. https://www.dicoruna.es/novas?id_evento=2144

Torneo Xadrez Concello de Cerceda este domingo 1 de outubro na Polideportiva de Cerceda

O próximo domingo, 1 de outubro, a Polideportiva de Cerceda acolle o II Aberto de Xadrez Concello de Cerceda, incluído no II Circuíto intercomarcal da Deputación da Coruña. O encontro terá a partir das 15:45h. Consulta as Bases do Aberto e o proceso de inscrición na proba: Bases do II Aberto de Xadrez Concello de Cerceda – VIII proba de II Circuito Intercomarcal Deputación da Coruña
Data: domingo 1 de outubro de 2017.
Local de xogo: Polideportiva de Cerceda.
Sistema de xogo: suizo a 7-8 rondas dependendo do número de xogadores.
Ritmo de xogo: 10´+ 2”
Horario de xogo: 15:45 presentación, 16:15: 1ª ronda, 21:30 clausura
Inscricions: xeral 6€, sub-16 3€, locais: 3€, exentos GM-MI. Pódense realizar no mail \n Este enderezo de correo está a ser protexido dos robots de correo lixo. Precisa activar o JavaScript para velo. ou no 617234393 ata o sábado 30 de setembro. Emparellamentos: realizarase mediante programa informático, non se admitirán reclamacións salvo erros na introducción de resultados antes da seguinte rolda.
Participantes: todos os xogadores deben estar federados (se algún non o esta podemos federalo ata o día 30), o torneo será válido para ELO FIDE de xadrez rápido. Desempates: resultado particular, bucholz -1, bucholz total e progresivo.
Tempo de espera: hasta a caída da bandeira. Un xogador que non compareza a partida sin causa xustificada será eliminado do torneo.

Charlas sobre o uso do móbil e tabletas na AulaCemit de Cerceda

A Aula CeMit do Concello de Cerceda organiza unha serie de charlas sobre os diferentes usos e aplicacións dos móbiles e tabletas. As xornadas formativas desenvolveranse os venres no período entre o 22 de setembro ao 20 de outubro. Fai a túa inscrición na Aula CeMit do Centro Cívico de Cerceda ou no teléfono 981686209 Calendario e Horario das Charlas: Venres do 22 de setembro ao 20 de outubro. Horario de 11:00 - 12:30 horas. Consulta as temáticas das diferentes xornadas.     Attachments:
Charlas Móbiles.pdf

XIII Carreira Popular Pedestre da Silva este domingo 17 de setembro

Este domingo, 17 de setembro, disputarase a XIII Carreira Popular Pedestre da Silva, dende as 10:20h. Como novidade, nesta cita do 2017 tamén se desenvolverá unha competición de Salto na rúa. Anota a cita deportiva desta fin de semana!

Último día para inscribirse ao Camiño Santiago - Fisterra

As persoas interesadas en facer o Camiño francés de Santiago a Fisterra no mes de outubro, teñen ata hoxe, xoves 14 de setembro, para poderse inscribir. Máis información no teléfono 981685001

Subcategorías

Utilizamos cookies propias e de terceiros para proporcionar os nosos servizos e realizar análise de uso e de medición de nosa web. Se continúa navegando, consideramos que acepta o seu uso.

Pode consultar máis información aquí.

Entendín