Noticias

Chega a Cerceda a Exposición "O Principiño ao redor do mundo. A Colección de Carlos Casares"

A Sala Municipal de Exposicións Xosé Neira Vilas quere conmemorar ao autor homenaxeado nas Letras Galegas 2017 acollendo a MOSTRA O PRINCIPIÑO AO REDOR DO MUNDO. A COLECCIÓN DE CARLOS CASARES, da Fundación Carlos Casares, no mes de marzo. Esta exposición forma parte da colección privada do escritor que, tras o labor de tradución de O Principiño á lingua galega comezou a mercar exemplares da obra de Saint- de- Exupéry en disitintas linguas do mundo. No momento da súa morte xa pousía máis de 100 exemplares en distintas edicións. O PRINCIPIÑO AO REDOR DO MUNDO. A COLECCIÓN DE CARLOS CASARES
  • DO 16 AO 31 DE MARZO DE 2017
  • HORARIO DE VISITAS: Luns - Venres das 15.30 ás 20.30h e Sábados das 10.00 ás 13.30h
  • Sala Municipal de Exposicións Xosé Neira Vilas-- Biblioteca municipal de Cerceda

Entroido infantil e xuvenil o martes 28 de febreiro

Xa está todo preparado para poder desfrutar do Festival de Entroido infantil e xuvenil no Pavillón municipal de Cerceda o martes 28 de febreiro. Non faltarán os inchables, obradoiros, a rosca e o chocolate. Non esquezas o teu disfraz!! A partir das 16:30h

Participa no acto homenaxe a Rosalía de Castro este venres 24 de febreiro

O Concello de Cerceda quere conmemorar o 180 aniversario do nacemento de Rosalía de Castro cun acto homenaxe de lectura pública da súa obra. Súmate ao acto, deste venres 24 de febreiro, a partir das 10:30h no Salón de Plenos do Casa do Concello. #rosalíate #mobilizarosalía  

Arranca o programa de visitas guiadas aos museos de Cerceda

Coa finalidade de aproximar a toda a veciñanza estos equipamentos iníciase a programación de visitas guiadas "Coñece os nosos museos". Xa está aberto o prazo de inscrición para a visita programada para o sábado 25 de marzo no teléfono 639 40 20 34, de 8:30 a 15:00h. Estas xornadas de portas abertas permitirán que todos aqueles veciños e veciñas de Cerceda se acheguen e coñezan os nosos museos, ou que aqueles que xa os coñecen descubran algo novo: Duración: de 10 a 14 horas. Percorrido: saída do Ecomuseo (no Centro Cívico, enfrente da piscina municipal), continuaremos polo Xardín Botánico e a Aula da Natureza, café – descanso e visita ao Museo do Moucho e o Museo da Minería, rematando por percorrer o entorno do Lago de Encrobas e volta ao Centro Cívico. Punto de partida e traslados: O punto de partida das xornadas será o Centro Cívico e os traslados de un a outro museo realizaranse en autobús. Inscripción: Para participar nas xornadas débese chamar ao 639 40 20 34 de 8:30 a 15:00h

Programación Cursos informática da Aula CeMit

Xa podes facer a túa inscrición aos cursos de informática da Aula CeMit do Concello de Cerceda. A programación inclúe actividades formativas tanto para persoas adultas como para nenos e nenas. Consulta os horarios e os prazos de solicitude nesta nova.   PRAZOS DE INSCRICIÓNS
  • Adultos
    • A partir do Xoves 9 de Febreiro ata completar prazas
    • Oficina planta baixa - Centro Cívico
    • 10:00 - 14:00 (Xoves 9 de Febreiro de 10:00 - 12:00)
  • Nen@s Cerceda
    • A partir do Venres 10 de Febreiro ata completar prazas
    • Oficina planta baixa - Centro Cívico
    • 10:00 - 14:00
  • Nen@s A Silva
    • CEIP Celso Emilio Ferreiro
Prazas limitadas por orde de inscrición 2 inscricións por persoa Attachments:
PROGRAMACION CURSOS DE INFORMATICA.pdf

Curso de Cosmética natural no mes de marzo: aberto o prazo de inscrición

CURSO DE COSMÉTICA NATURAL.Inscricións a partir do 7 de febreiro O Concello de Cerceda organiza para o mes de marzo, un curso de cosmética natural. O prazo de inscrición abre o martes 7 de febreiro e as prazas están limitadas a 15. A actividade desenvolverase os mércores (1, 8, 15, 22, 29 de marzo e o 5 de abril de 2017) das 18:30 ás 20:30 h no Centro Cívico de Cerceda. Neste obradoiro comprenderemos a importancia dos cosméticos ecolóxicos na nosa saúde e aprenderemos as técnicas básicas para a elaboración de produtos de cosmética natural adaptados a cada tipo de pel como por exemplo: as propiedades curativas das prantas, a limpeza do cute, a elaboración de xabóns naturais e de emulsións así como a personalización de cosméticos de hixiene persoal (cremas, pastas de dentes, bálsamos)
  • Duración:12 horas (6 sesións de 2 horas cada unha)
  • Horario: Mércores do 1 de marzo ao 5 de abril, das 18:30 ás 20:30h. Centro Cívico
  • Custe: 15,00 euros. Co desconto de 15% co Carné Xove: 12,75 euros.
  • Inscricións: A partir do 7 de febreiro de 2017 nas Oficinas xerais do Concello
Prazas limitadas a 15 persoas Attachments:
3 OBRADOIRO DE COSMÉTICA NATURAL.pdf

Merendas e Contos este venres na Biblioteca da Silva

Xa temos unha nova edición das Merendas e Contos 2017. Arracamos este venres, 27 de xaneiro, na Biblioteca da Silva a partir das 17:15H. Non esquezas facer a inscrición nas Oficinas Xerais ou no teléfono 981685001
  • BIBLIOTECA DA SILVA - VENRES, 27 de xaneiro
  • Espectáculo: PAN E AUGA?? SOPAS!! do grupo XANDOBELA
  • Recomendado para nen@s a partir de 4 anos de idade

IV Aberto de Billarda Moncho Valcarce este domingo 29 de xaneiro nas Encrobas

O próximo domingo, 29 de xaneiro dende as 11H, terá lugar o IV Aberto de Billarda Moncho Valcarce, da 7ª xornada de liga 2016/2017 da Conferencia Noroeste, en Pontoxo - As Encrobas. Ao remate desenvolverase unha homexane a Moncho Valcarce e a entrega de premios. Así mesmo a xornada compleméntase con outras actividades como a Exposición LNB- 10 anos de actividade e hiperenxebrismo e a proxección de documentais sobre Moncho Valcarce no local social de Pontoxo. Ás 16:30H, proxectarase a curtametraxe Unha muller que pasa-silencio" de Xosé Bocixa e Paco Gallego. A seguir actuarán as Pandereteiras das Encrobas. As persoas interesadas en participar no xantar deberán facer a súa reserva no teléfono 687607477 Unha actividade promovida pola A.C. LUCERNA coa colaboración do Concello de Cerceda

Curso de Iniciación ao PhotoShop: apertura do prazo de inscrición

CURSO DE FOTOGRAFÍA: INICIACIÓN AO PHOTOSHOP INSCRICIÓNS A PARTIR DO 4 XANEIRO
  • Aprenderemos o uso básico do PhotoShop, programa líder de creación e edición de imaxes.
  • Duración do curso: 30 horas
  • Horario: Sábados, das 11 ás 13:30H. Do 28 de xaneiro ao 29 de abril, con descanso o sábado de Entroido e o sábado de Semana Santa
  • Custe: 37,5 euros. Con desconto de 15% co Carné Xove
  • Prazo de inscrición: A partir do 4 de xaneiro de 2017 nas Oficinas Xerais do Concello
Descarga dende esta nova a solicitude de inscrición.
Attachments:
SOLICITUDE CURSO DE INICIACION AO PHOTO….pdf

Subcategorías

Utilizamos cookies propias e de terceiros para proporcionar os nosos servizos e realizar análise de uso e de medición de nosa web. Se continúa navegando, consideramos que acepta o seu uso.

Pode consultar máis información aquí.

Entendín